• २०७६ भदौ ५ बिहीबार

मिस नेपाल नर्थ अमेरिका २०१९ न्यु योर्कमा अगस्त महिनामा हुने ,आवेदन पत्र खुला 

विजय थापा
टिभी अन्नपूर्ण, डिसी । 
विश्व कै सम्राट् राज्य न्युयोर्कमा मिस नेपाल नर्थ अमेरिका २०१९ हुने भएको छ । सहभागी हुन चाहनेहरूका लागि आवेदन पत्र खुलेको समेत जानकारी गराइएको छ । 

आगामी अगस्त महिनाको १७ तारिखका दिन गत वर्ष सफलतापूर्वक सम्पन्न भएकै स्थान मेलरोज बलरुममा कार्यक्रम हुने भएको छ । आयोजकले दोस्रो मिस नेपाल नर्थ अमेरिका २०१९ को मिति, दिन तथा स्थान तय भएको जानकारी दिएका हुन् । 

गत वर्ष न्यूयोर्कका नगर परिषद् सदस्य कोस्टा कन्सटानटिनिडेस प्रमुख रहेका थिए । प्रथम मिस नेपाल नर्थ अमेरिका २०१८ को लागि मिस नेपाल २०१० कि सदिक्षा श्रेष्ठले कोरियोग्राफ गरेकी थिइन् भने २०१७ कि मिस नेपाल युनिभर्स नग्मा श्रेष्ठ कार्यक्रम प्रस्तोता रहेकी थिइन् । 

यसै गरी गत वर्ष चर्चित गायक हेमन्त राना, बर्तिका राई तथा बिक्की गुरुङ लगायतले प्रस्तुति गरेका थिए । 

आवेदन भर्ने अन्तिम मिति जुन १५ राखिएको छ भने जुलाई १ तारिखका दिन अन्तिम नामावली प्रकाशित गरिने छ । त्यस पछि अन्तिम ग्रान्ड फिनाले अगस्त १७ का दिन हुने छ । उन्नत इन्टरनेसनल तथा ड्रिम्स युनिभर्सलले कार्यक्रम गर्ने तय भएको छ ।

९ वर्षसम्म रणनीति कार्यक्रम व्यवस्थापन, परियोजना व्यवस्थापन तथा नेतृत्व व्यवस्थापनमा गहिरो अनुभव बटुलेका व्यक्तिहरू मिस नेपाल नर्थ अमेरिकाको टोलिमा संस्थापकहरुको संलग्नता रहेको छ ।

मिस नेपाल नर्थ अमेरिका टोलीले प्रतियोगी १८ देखि २७ वर्ष सम्म हुनु पर्ने, अविवाहित, ५ फुट २ इन्च हुनु पर्ने, शैक्षिक योग्यता उच्च माध्यमिक उत्तीर्ण ९हाई स्कुल ग्राजुएट, प्रतियोगी उत्तर अमेरिका निवासी हुनु पर्ने, नेपाली मूलको हुनु पर्ने, निवेदकको सही नैतिक चरित्र तथा नेतृत्वको सिप हुनु पर्ने तथा जीवन वृत्ति हाँक्न सक्ने तथा सफल हुन प्रभावशाली इच्छा भएको हुनु पर्ने जनाएको छ ।

आयोजक समूह अन्तर्गत शैलेन्द्र श्रेष्ठ तथा निराकार उप्रेती सह संस्थापक सभापति रहेका छन् ।

प्रतिकृया दिनुहोस

सम्बन्धित समाचार

ताजा अपडेट

समाचार