• २०७६ मङ्सिर ४ बुधबार

दुई अन्तराष्ट्रिय एयरलाइन्सलाई नेपाल उडान अनुमती, थप एकको प्रक्रिया अन्तिम चरणमा

काठमाडौं, 

नेपाल भ्रमण वर्ष नजिकिदै गर्दा तीन अन्तरराष्ट्रिय वायुसेवा कम्पनीले नेपाल उडान शुरू गर्ने भएका छन् । कुवेतको जजिरा एयरवेज तथा भारतका दुई- स्पाइस जेट एयरलाइन्स र भिस्तारा एयर नेपालमा आफ्नो सेवा शुरू इच्छुक देखिएका हुन् ।

नेपाल नागरिक उड्डयन प्राधिकरणले स्पाइस जेट र जजिरा एयरवेजलाई नेपालमा उडान गर्ने अनुमति दिइसकेको छ । त्यस्तै, भिस्तारालाई अनुमति दिने प्रक्रिया अन्तिम चरणमा पुगेको प्राधिकरणले बताएको छ। प्राधिकरणका अनुसार स्पाइस जेट र जजिराले मङ्सिर पहिलो हप्ता (नोभेम्बर २०/२१) देखि नेपालमा उडान गर्नेछन् ।

स्पाइस जेटले काठमाडौं-नयाँ दिल्ली-मुम्बई र भिस्ताराले काठमाडौं-नयाँ दिल्ली रूटका लागि १ महीनाअघि निवेदन दिएका थिए । पहिला काठमाडौं-दिल्ली उडान गर्दै आएको स्पाइस जेटले अहिले मुम्बईमा समेत उडान गर्ने अनुमति प्राधिकरणबाट पाएको छ । प्राधिकरणका अनुसार स्पाइस जेटले साताको सातै दिन उडान गर्ने अनुमति पाएको छ ।

स्पाइस जेटका लागि काठमाडौं नयाँ रूट होइन । यसअघि २०६५ देखि काठमाडौं-नयाँ दिल्ली उडान शुरू गरेको स्पाइसले २०७२ पछि यस रूटमा उडान बन्द गरेको थियो । त्यस्तै, भारतको टाटा समूह र सिंगापुर एयरलाइन्सको लगानी रहेको भिस्ताराले काठमाडौं-दिल्ली उडान मङ्सिरदेखि शुरू गर्ने प्रस्ताव गरे पनि प्राधिकरणले अहिले उसको प्रस्ताव अध्ययन गरिएकाले केही ढिला हुनेछ । यो समाचार आजको आर्थिक अभियान दैनिकमा प्रकाशित छ ।

प्रतिकृया दिनुहोस

सम्बन्धित समाचार

ताजा अपडेट

समाचार